ధోని తన నాయకత్వంలో సాధించిన మేజర్ ట్రోఫీలు. Dhoni's captaincy Record in telugu

నాయకుడిగా ధోని :

2007 50 ఓవర్ల వరల్డ్ కప్ ఓడిపోయిన తరువాత సెప్టెంబర్ లో టీ 20  వరల్డ్ కప్ లో  సీనియర్స్ అయిన  సచిన్,  ద్రావిడ్,గంగూలీ లాంటివారు ఆడకూడదని  నిర్ణయించుకున్నారు. అప్పుడు బీసీసీఐవారు ఎవరిని కెప్టెన్ చేద్దాం  అనుకుని సచిన్ని అడిగినప్పుడు సచిన్ ధోనిని  చేయమని సలహా ఇచ్చాడంట. అందరూ   సీనియర్లు అయిన  సెహ్వాగ్ కానీ, యువరాజ్ సింగ్  కానీ సారథ్యం వహించవచ్చు అనుకున్నారట,  కానీ సచిన్ సలహా ప్రకారం  బిసిసిఐ వారు ధోనిని కెప్టెన్ గా నిర్ణయించారు. తరవాత ధోని ప్రపంచ క్రికెట్లోనే అతి గొప్ప కెప్టెన్ లలో ఒకడిగా  మారడం మీకందరికీ తెలిసినదే ఇతడు తన సారథ్యంలో సాధించనివి ఇవి లేవని చెప్పడానికి  ఏమీ లేవు.  ప్రత్యర్థి  ఎత్తులను చిత్తు చేయడం క్లిష్ట సమయాలలో కూల్ మైండ్ తో ఆలోచించి వ్యూహాలు రచించి ప్రత్యర్థులమీద పైచేయి సాధించడంలో దిట్ట. ఇవి ధోని  కెప్టెన్సీకున్న మంచి  లక్షణాలు. ముఖ్యంగా ఇతడు తన భావోద్వాగాలను  అదుపు చేసుకోగలడు.

 టెస్టుల్లో కెప్టెన్సీ రికార్డు:

ధోని టెస్టుల్లో 2008 నుంచి 2014 వరకు నాయకత్వం  వహించాడు.

మ్యాచులు       -  60

గెలుపు          -   27

ఓటమి           -  18

డ్రా                -  15 

వన్డేల్లో కెప్టెన్సీ రికార్డు:

ధోని వన్డేల్లో 2007 నుంచి 2018 వరకు నాయకుడిగా ఉండి అనేక రికార్డులను బద్దలుకొట్టాడు. ప్రపంచ  వన్డే  చరిత్రలో అత్యధిక విజయాలు అందించిన కెప్టెన్ లలో పాంటింగ్ తరువాత 2వ  స్థానంలో నిలిచాడు. 

మ్యాచులు       -     200       
గెలుపు           -     110 

ఓటమి           -      74

టై                 -       5

నో రిజల్ట్         -       11

టీ20 ల్లో కెప్టెన్సీ రికార్డు:

ధోని 2007 నుంచి 2016 వరకు కెప్టెన్ గా వహించాడు. అంతర్జాతీయ టి20 ల్లో అత్యధిక మ్యాచ్ లకు  కెప్టెన్ గా వ్యవహరించిన వాడిగాను అత్యధిక విజయాలు సాధించిన కెప్టెన్గానూ నిలిచి రికార్డు  సృష్టించాడు.  
  

మ్యాచులు         -    72 

గెలుపు            -   41

ఓటమి            -   28

టై                  -     1   

నో రిజల్ట్         -     2

ధోని తన నాయకత్వంలో సాధించిన మేజర్ ట్రోఫీలు.  

2007 టి 20 వరల్డ్ కప్: 

2007 సౌత్ ఆఫ్రికాలో జరిగిన  టి 20 వరల్డ్ కప్లో ఎటువంటి అనుభవం లేని తన కెప్టెన్సీ తో ఏమిసాధిస్తాడులే అని అందరూ అనుకున్నారు. కానీఅనుభవం వున్న కెప్టెన్లను అందరిని చిత్తుచేసిఎవరు ఊహించని   విధంగా  మొట్టమొదటి టీ 20 వరల్డ్ కప్ను ఎగరేసుకొచ్చాడు. ఫైనల్ లో పాకిస్థాన్ తో  చివరి  ఓవర్  వేయడానికి జోగిందర్  శర్మను ఎన్నుకోవడంతో అందరూ  ఆశ్చర్యపోయారు. కానీ ధోని తీసుకున్న నిర్ణయం సరైనదేనని  తెలుసుకోవడానికి ఎంతో  సమయం పట్టలేదు.        

2011 వన్డే వరల్డ్ కప్ :          

ప్రపంచ క్రికెట్లో కెప్టెన్ గా ఉండే  ప్రతి ఒక్కరు తన సారథ్యంలో వరల్డ్ కప్ గెలవాలని కోరుకుంటారు. 2011 లో 50   ఓవర్ల  వరల్డ్ కప్  ఇండియా శ్రీలంక బంగ్లాదేశ్ దేశాలలో నిర్వహించారు.  28 సంవత్సరాలుగా కోట్లాది భారతీయులు వరల్డ్ కప్ గెలవాలని కంటున్న కళలను పైనల్ లో  శ్రీలంకను  చిత్తు చేసి  ధోని  తన సారథ్యంలో నిజంచేసాడు. 

2010 ఆసియా కప్:

2010 వ సంవత్సరం ఆసియ కప్ కు శ్రీలంక ఆతిథ్యమిచ్చింది.ఈ  టోర్నమెంట్ లో బంగ్లాదేశ్, శ్రీలంక, పాకిస్థాన్,  ఇండియా పోటీ పడగా ఫైనల్ కు ధోని సారథ్యంలోని ఇండియా, శ్రీలంక చేరుకున్నాయి. ఫైనల్ లో శ్రీలంకను  81  పరుగుల తేడాతో ఓడించి 5 వ సారి ఆసియా కప్ గెలిచింది. 

2016 ఆసియా కప్:

2016 ఆసియా కప్ మొదటిసారి టి20 ఫార్మాట్ లో జరిగింది. 5 జట్లు పాల్గొనగా ఫైనల్ కు  బంగ్లాదేశ్, ఇండియా  చేరుకున్నాయి. ఫైనల్ లో బంగ్లాదేశ్ పై 6 ఓవర్లు మిగిల్చి 8 వికెట్ల తేడాతో ఇండియా గెలిచింది. ఇదికూడా  మహేంద్రసింగ్ ధోని నాయకత్వంలోనే జరిగింది. 

2013 ఐసీసీ ఛాంపీయన్స్ ట్రోఫీ:  

2013 ఇంగ్లాండ్  లో జరిగిన ఛాంపియన్ ట్రోఫీ లో పైనల్ లో వర్షం కారణంగా 20 ఓవర్లకు కుదించిన ఉతకంఠభరితమైన మ్యాచ్ లో ఇంగ్లాండ్ ని 5  పరుగులు తేడాతో  ఓడించి ఐసీసీ  నిర్వహించు   ట్రోఫీలన్నిటిని ధోని తన  ఖాతాలో వేసుకున్నాడు. 

ఐపీల్: 

IPL లోను తన నాయకత్వంతో చెన్నై సూపర్ కింగ్స్ ను మూడుసార్లు టైటిల్ విజేతగా నిలిపి తన  నాయకత్వమంటే  ఏంటో మరోసారి నిరూపించాడు.

1.    2010 వ సంవత్సరం జరిగిన ఐపీల్ ఫైనల్ లో ముంబై ఇండియన్స్ ని 22 పరుగులు తేడాతో ఓడించి ధోని  తన మొట్టమొదటి ఐపీల్ టైటిల్ గెలిచాడు. 

2.    2011 వ సంవత్సరం పైనల్ లో రాయల్ చాలెంజర్స్ బెంగళూరును 58 పరుగుల తేడాతో ఓడించి వరుసగా 2 వ సారి చెన్నై సూపర్ కింగ్స్ కు ట్రోఫీ అందించాడు. 

3.  2018 లో సన్  రైసర్స్ హైదరాబాద్ ను 8 వికెట్ల తేడాతో ఓడించి 3 వ సారి టైటిల్ నెగ్గారు.

ఛాంపియన్స్ లీగ్ టీ20 :

1.    2010 సీజన్లో సౌత్ ఆఫ్రికా టీమ్ అయిన వారియర్స్ మీద ధోని నాయకత్వంలోని చెన్నై సూపర్ కింగ్స్ జట్టు 8 వికెట్ల తేడాతో గెలిచి మొదటిసారి ఛాంపియన్ లీగ్ ట్రోఫీ కైవసం చేసుకుంది. 

2.   2014 బెంగళూరులో జరిగిన ఫైనల్ లో కోల్కత్తా నైట్ రైడర్స్ పై చెన్నై సూపర్ కింగ్స్ జట్టు 8 వికెట్ల తేడాతో గెలిచి రెండవసారి టైటిల్ ఎగరేసుకుపోయింది. 

2008-09 లో ధోని తన సారథ్యంలో ఇండియాను  టెస్టులలో No.1  ర్యాంకుకు  చేర్చాడు. ఇవి మాత్రమే కాక తనకు మాత్రమే సాధ్యమైన అనేక సిరీస్ విజయాలను గెలిచి ప్రపంచ క్రికెట్లో విజయవంతమైన  నాయకులలో  ఒకడుగా నిలిచి భారతదేశ ప్రతిష్టను ప్రపంచ  నలుమూలలు  వ్యాపింపచేసాడు. 

ధన్యవాదాలు. 

మీ అభిప్రాయాలను మాకు తెలియజేయగలరు.