వన్డే క్రికెట్ లో అత్యధిక సిక్స్ లు కొట్టిన వారి టాప్ 10 జాబితా, Top 10 Most Six hitters in oneday cricket

అంతర్జాతీయ క్రికెట్ లో సిక్స్ లు కొట్టడం అనేది సాధారణమైన విషయం  కాదు. ఎందుకంటే బౌలింగ్ వేసేవారు ఎంతో నైపుణ్యత కలిగి ఎన్నో సంవత్సరాల కఠిన సాధన చేసిన వారై  ఉంటారు. అయినప్పటికీ  అంతర్జాతీయ వన్డేల్లో మంచి నీళ్లు తాగినంత సులువుగా సిక్సులు కొట్టి బౌలర్లుకి ముచ్చెమటలు పట్టించినవారు కూడా వున్నారు.ఇందులో కొందరు తమ శక్తితో బంతిని బలంగా లాగి కొడుతుంటే మరికొందరు తమ నైపుణ్యంతో బంతికికూడా దెబ్బ తగలకుండా బౌండరీ దాటించేవారు వున్నారు. ఏది ఏమయినప్పటికీ మేము సిక్సర్ల వీరులం అని నిరూపించుకున్నవారు ఎందరో వున్నారు. అందులో నేడు అంతర్జాతీయ వన్డే  క్రికెట్ లో అత్యధిక సిక్స్ లు కొట్టిన వారి జాబితాను మనం చూద్దాం.

వన్డే  క్రికెట్ లో అత్యధిక సిక్స్ లు కొట్టిన వారి  టాప్ 10  జాబితా

10. సౌరవ్  గంగూలి (ఇండియా) : 

గంగూలి భారత  క్రికెట్ జట్టుయొక్క  మాజీ కెప్టెన్. గంగూలి   కెప్టెన్ గా భారత  క్రికెట్ కు ఎన్నో సేవలు చేసారు. అయన సారథ్యంలో ఎన్నో  మరపురాని విజయాలను అందించాడు. అందులో  2003 క్రికెట్ వరల్డ్ కప్  టోర్నమెంట్ లో రన్నరప్ గా  నిలవడం, 2002 ఛాంపియన్స్ ట్రోఫీలో శ్రీలంకతో కలిసి ఉమ్మడి విజేత  (జాయింట్ విన్నర్స్) గా నిలవడం  ప్రధానమైనది. గంగూలీ తనదైన సమయాన సిక్సులతో బౌలర్లను కకావికలం చేయగలడు. అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10 జాబితాలో 10 వ స్థానంలో గంగూలీ  నిలిచారు.

                            source-thestatesman.com
మ్యాచ్ లు         -         311

ఇన్నింగ్స్         -         300

సిక్స్ లు          -           190

9. సచిన్ రమేశ్  తెండూల్కర్ (ఇండియా) :

సచిన్ గురించి నేను చేప్పక్కరలేదనుకుంటాను  ఎందుకనగా  సచిన్...  సచిన్... సచిన్... అని అంటూ స్టేడియాలు దద్దరిల్లడం మీరు చూసే ఉంటారు అయన గొప్పతనం గురించి  రికార్డులు మాట్లాడడం మీరు వినే  ఉంటారు. క్రికెట్ తెలిసిన ప్రతి ఒక్కరికి అయన  పేరు పరిచయం అవసరం లేనిది. సచిన్ టెక్నిక్  తోను, క్లాస్ బ్యాటింగుతోను చూడముచ్చటైన సిక్సులు కొట్టగలడు.  ఆయన అంతర్జాతీయ వన్డేలలో  అత్యధిక సిక్స్ లు కొట్టినవారి టాప్ 10 జాబితాలో 9 వ స్థానంలో సచిన్ నిలిచారు.

మ్యాచ్ లు         -       463

ఇన్నింగ్స్          -       452

సిక్స్ లు           -       195

8. బ్రెండన్ మెక్కల్లమ్ (న్యూజిలాండ్) :

ఈ  న్యూజిలాండ్ వికెట్ కీపర్ బ్యాట్స్ మన్ ప్రపంచ క్రికెట్ లోని  ఎంతో కొద్దిమంది అటాక్కింగ్ (Attacking) బ్యాట్స్ మన్లలో ఒకరు. తన అటాక్కింగ్ ఇన్నింగ్స్ లలో  IPL ప్రారంభ మ్యాచ్ లోనే 73 బంతులల్లో 13 సిక్స్ లతో  158 పరుగులు చేయడం, తన చివరి టెస్ట్ మ్యాచ్ లో టెస్టుల్లోనే  వేగవంతమైన సెంచరీ చేయడం రెండు ఉదాహరణలు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10  జాబితాలో 8 వ స్థానంలో నిలిచారు.

మ్యాచ్ లు         -      260

ఇన్నింగ్స్         -       228

సిక్స్ లు          -        200

7. ఎ.బి డివిలియర్స్ (సౌత్ ఆఫ్రికా) : 

ప్రపంచ క్రికెట్లో ఏ.బి డివిలియర్స్ కి ఒక ప్రత్యేక స్థానం ఉంది. ఎందుకనగా ఎ.బి డివిలియర్స్ క్రికెట్ మైదానంలో ప్రతి మూలకు సిక్స్ కొట్టగలడు. అందుకే అతనిని Mr. 360 అని పిలుస్తారు. ఇతడు సిక్సులు కొట్టడం మొదలైతే ఎలా ఉంటుందో  2015 జనవరి 15 న  వెస్ట్ ఇండీస్ తో జరిగిన మ్యాచ్ లో 44 బంతుల్లో 149 పరుగులకి 16 సిక్సులు కొట్టాడు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10   జాబితాలో 7 వ స్థానంలో నిలిచారు.

మ్యాచ్ లు         -       228

ఇన్నింగ్స్         -        218

సిక్స్ లు          -        204

6.ఇయాన్ మోర్గాన్ (ఇంగ్లాండ్): 

ఎప్పుడా అని ఎదురుచూస్తున్న ఇంగ్లాండ్ కి వరల్డ్ కప్ తెచ్చిపెట్టిన కెప్టెన్. ఇతడు కూడా సిక్సులు కొట్టడంలో మంచి దిట్ట. 2019 క్రికెట్ వరల్డ్ కప్ లో ఆఫ్ఘానిస్తాన్ తో జరిగిన మ్యాచ్ లో ఏకంగా 17 సిక్స్ లు  కొట్టి ఒక వన్డేలో అత్యధిక సిక్సులు కొట్టినవాడిగా రికార్డు తన పేరిట వ్రాసుకున్నాడు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10 జాబితాలో 6 వ స్థానంలో నిలిచాడు.

మ్యాచ్ లు         -      236

ఇన్నింగ్స్         -       219

సిక్స్ లు          -        211

5. మహేంద్రసింగ్ ధోని(ఇండియా) :

ధోని మాజీ భారత క్రికెట్ కెప్టెన్. ICC జరిపే అన్ని టోర్నమెంట్స్ గెలిచిన ఒకే ఒక కెప్టెన్ Mr. Captain  Cool. నాకు తెలిసి ప్రపంచ క్రికెట్లోనే బంతిని అత్యధిక బలంగా బాదే ఆటగాడు. ధోని ఎంత  దూరం  సిక్సులు  కొడతాడో మీరంతా చూసే ఉంటారు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10  జాబితాలో 5 వ స్థానంలో నిలిచాడు.

మ్యాచ్ లు         -    350

ఇన్నింగ్స్         -     297

సిక్స్ లు          -      229

4.రోహిత్ శర్మ (ఇండియా) :

ధోని బలంగా సిక్సులు  కొడితే రోహిత్ శర్మ ఎంతో  సునాయాసంగా మంచి నీళ్లు తగినట్లు కొట్టేవాడు. 2012 బెంగళూరులో  ఆస్ట్రేలియాతో జరిగిన మ్యాచ్ లో ఏకంగా 16 సిక్సులు  కొట్టి హిట్ మాన్  గా  పిలువబడ్డాడు. అలాగే మూడు డబుల్ సెంచరీస్ చేసిన ఏకైక మొనగాడు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10  జాబితాలో 4 వ స్థానంలో నిలిచాడు.

మ్యాచ్ లు         -    224

ఇన్నింగ్స్         -     217

సిక్స్ లు          -      244

3. సనత్ జయసూర్య (శ్రీలంక): 

సనత్ జయసూర్య  ప్రపంచ గొప్ప వన్డే  ఆల్ రౌండర్లలో ఒకరు. ఈ  శ్రీలంక లెజెండ్ అంతర్జాతీయ వన్డే మ్యాచ్ లలో  అట్టాక్ చేసి ఆడే క్రికెటర్లలో మొదటి వరుసలో ఉంటాడు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10  జాబితాలో 3 వ స్థానంలో నిలిచాడు.

మ్యాచ్ లు         -    445

ఇన్నింగ్స్         -     433

సిక్స్ లు          -      270

2. క్రిస్ గేల్ (వెస్ట్ ఇండీస్):

టీ 20 లో గాని వన్డేలలో గాని  సిక్సులు అనగానే మనకు గుర్తుకి వచ్చే మొట్టమొదటి పేరు క్రిస్ గేల్. తుఫాన్ వచ్చే ముందు వాతావరణం ఎలాగయితే నిమ్మళంగా ఉండి వర్షం పడి అల్లకల్లోలం సృష్టిస్తుందో  అలాగే  గేల్ నిమ్మళంగా మొదలెట్టి బౌలర్లమీద విరుచుకుపడి  సిక్సుల వర్షం కురిపించి గేల్ సునామి సృష్టించి ఆ నీళ్లలో బౌలర్లను ముంచేసి తాను UNIVERSAL BOSS అని మరోసారి పిలిపించుకుంటాడు. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10  జాబితాలో 2 వ స్థానంలో నిలిచాడు.

మ్యాచ్ లు        -     301

ఇన్నింగ్స్         -     294

సిక్స్ లు           -     331

1. షాహిద్ ఆఫ్రిది (పాకిస్థాన్) : 

అంతర్జాతీయ క్రికెట్లో  సిక్సుల గురించి చర్చించేటప్పుడు  BOOM BOOM  ఆఫ్రిది ప్రస్తావన  లేకుంటే  అది ఖఛ్చితంగా  అసంపూర్ణమైనదే. తన రెండవ  మ్యాచ్ లోనే 40 బంతుల్లో 102 పరుగులకి 11 సిక్సులు కొట్టి తాను ఎలా ఆడపోతున్నాడో  బౌలర్లకు  చూపించాడు. సిక్సులను కొట్టడమే నా  పని అన్నట్లుగా ఆడే  ఒకేఒక్కడు షాహిద్ ఆఫ్రిది. ఇతడు అంతర్జాతీయ వన్డేలలో అత్యధిక సిక్స్ లు కొట్టినవారి టాప్ 10   జాబితాలో 1 వ స్థానంలో నిలిచాడు.

మ్యాచ్ లు         -     398

ఇన్నింగ్స్          -    369

సిక్స్ లు           -     351

అంతర్జాతీయ క్రికెట్లో మేటి  ఆటగాళ్లు ఎంతో మంది  ఉన్నప్పటికీ అత్యధిక సిక్స్ లు కొట్టినవారి టాప్ 10  జాబితాలో వీరు నిలిచాడు.

టెస్టుల్లో అత్యధిక సిక్సులు కొట్టిన వారి జాబితాను క్రిందటి లింక్ లో చూడగలరు.  

https://telugucricinfo.blogspot.com/2020/05/top-10-test-six-hitters-in-telugu.html
ధన్యవాదాలు.

మీ అభిప్రాయాలను మాకు తెలియజేయగలరు.