అంతర్జాతీయ వన్డే క్రికెట్లో అత్యధిక వికెట్లు తీసిన వారి టాప్ 10 జాబితా, Highest wicket takers in oneday cricket

క్రికెట్లో బౌలర్ కంటే బ్యాట్సమెన్ ని బాగా ఇష్టపడుతారు. ఎందుకంటే వారు సిక్సర్లు, ఫోర్లు కొట్టి ప్రేక్షకులను  ఉర్రూతలూగిస్తారు. కానీ బ్యాట్సమెన్ వెన్నులో వణుకు పుట్టించి విధ్వంసకర  బ్యాట్సమన్లను కూడా తమ  బౌలింగ్ నైపుణ్యంతో బోల్తా కొట్టించి  ముప్పుతిప్పలు పెట్టి  వారిని  పెవిలియన్ పంపించే వారు ఎవరు  అనే విషయం  మాత్రం మర్చిపోతారు. ఒక  బౌలర్ తనను మేటి బౌలర్ల జాబితాలో నిలుపుకోవాలంటే             తన క్రికెట్ కెరీర్లో  తీసే వికెట్లు, ఎకానమీ, అతని స్ట్రైక్ రేట్ ని కొలబద్దగా భావిస్తారు. అందులో ప్రపంచ       వన్డే క్రికెట్లో అత్యధిక వికెట్లు తీసి తమ జట్టుకి ఎన్నో సమయాల్లో ఒంటిచేత్తో విజయాలు అందించి        తమవంతు పాత్ర పోషించినవారు ఎవరు  అని  తెలుసుకోవాలనే  ఉత్సుకత మనందరికీ  ఉంటుంది. ఇప్పుడు మనము వారిని చూద్దాము.

10.అనిల్ కుంబ్లే(ఇండియా): 

అనిల్ కుంబ్లే ఇండియా తరుపున ఆడిన అతి గొప్ప స్పిన్ బౌలర్. ఇండియా తరుపున  టెస్టుల్లోనూ  వన్డేల్లోనూ  అత్యధిక వికెట్లు తీసిన వారి జాబితాలో కుంబ్లే ప్రథమ స్థానంలో  నిలిచాడు. 271 మ్యాచులు ఆడిన కుంబ్లే 337 వికెట్లను నేలకూల్చి అంతర్జాతీయ వన్డే  క్రికెట్లో  అత్యధిక  వికెట్లు తీసిన వారి జాబితాలో 10 వ స్థానంలో  నిలిచాడు.

మ్యాచ్ లు    -     271

ఇన్నింగ్స్     -     265

వికెట్లు         -     337

సగటు         -     30.89

బెస్ట్             -     6/12

5 వికెట్స్      -     2

9. లసిత్ మలింగ (శ్రీలంక):

లసిత్ మలింగ పరిమిత ఓవర్ల క్రికెట్లో ఎంతో సుపరిచితుడు. ఎంత గొప్ప మేటి   బ్యాట్సమన్లను  అయినా తన పదునైన యార్కర్లతో బోల్తా కొట్టించగలడు ఈ యార్కర్  స్పెషలిస్ట్.  అంతర్జాతీయ క్రికెట్లో రెండుసార్లు  4 బంతుల్లో 4  వికెట్లు తీసి ఏ ఒక్కరు  సాధించని వినూత్న రికార్డు సాధించాడు. శ్రీలంక తరుపున 226 మ్యాచులు ఆడిన మలింగ 338 వికెట్లతో వన్డేల్లో  అత్యధిక వికెట్లు తీసిన వారి జాబితాలో  9వ స్థానంలో  నిలచాడు. 

మ్యాచ్ లు     -     226

ఇన్నింగ్స్      -     220

వికెట్లు          -     338

సగటు          -     28.87

బెస్ట్              -     6/38

5 వికెట్లు       -      8

8. బ్రెట్ లీ (ఆస్ట్రేలియా):

ఈ ఆస్ట్రేలియా ఫాస్ట్ బౌలర్ ప్రపంచ వేగవంతమైన బౌలర్లలో ఒకరు. 150 -160  కి.మీ వేగంతో                 నిప్పులు చెరిగే  బంతులతో యార్కర్లు, బౌన్సర్లు వేసి బ్యాట్సమెన్ కి  ముచ్చెమటలు   పట్టించేవాడు. ఇతడి వేగవంతమైన బంతులు  ఆడడానికి   క్రికెట్లోని  మేటి ఆటగాళ్ల  వెన్నులో       వణుకు పుట్టేది. కేవలం 221 మ్యాచులలోనే 380వికెట్లు తీసి ఇతడు వన్డేలలో అత్యధిక  వికెట్లు తీసిన వారి జాబితాలో 8వ స్థానంలో  నిలిచాడు. 

మ్యాచ్ లు   -     221 

ఇన్నింగ్స్    -     217

వికెట్లు        -     380

సగటు        -     23.36 

బెస్ట్           -     5/22

5 వికెట్లు    -      9

7. గ్లెన్ మెక్‌గ్రాత్ (ఆస్ట్రేలియా):

గ్లెన్ మెక్‌గ్రాత్ ప్రపంచ గొప్ప ఫాస్ట్ బౌలర్లలో ఒకరు. ఆస్ట్రేలియా తరుపున అంతర్జాతీయ  వన్డేలలో              అత్యధిక  వికెట్లు  పడగొట్టిన బౌలర్గా రికార్డు నెలకొల్పాడు. ఇతడు లైన్  అండ్ లెంగ్త్ చక్కగా  వేసి బ్యాట్సమెన్ లను  ఇరుకున పెట్టి  ఆస్ట్రేలియాకు విజయాలు  అందించేవాడు. మెక్‌గ్రాత్                        248 మ్యాచులలో ఆస్ట్రేలియాకు ప్రాతినిధ్యం వహించి   381 వికెట్లు పడగొట్టి వన్డేలలో అత్యధిక  వికెట్లు తీసిన వారిలో 7వ స్థానంలో నిలిచాడు.

మ్యాచ్ లు   -    250

ఇన్నింగ్స్    -    248

వికెట్లు        -    381

సగటు        -    22.02

బెస్ట్           -    7/15

5 వికెట్లు    -     7

6. షాన్ పొలాక్( సౌత్ ఆఫ్రికా):

క్రికెట్ కుటుంబంనుంచి వెలుగులోకి వచ్చి జాక్వెస్ కలిస్ తరువాత సౌత్ ఆఫ్రికా తరుపున ఆడిన            ఉన్నత ఆల్ రౌండర్ గా ఎదిగాడు. వన్డేలలో తన  బౌలింగ్ ప్రతిభతో  సౌత్ ఆఫ్రికా  తరుపున అత్యధిక             వికెట్లు  తీసినవాడుగా ఘనత పొందాడు. 303 మ్యాచులలోనే 393 వికెట్లతో ఇతడు వన్డేలలో అత్యధిక వికెట్లు  తీసిన వారిలో 6 వ స్థానంలో నిలిచాడు.

మ్యాచ్ లు    -   303

ఇన్నింగ్స్     -   297

వికెట్లు         -   393

సగటు         -   24.50

బెస్ట్            -   6/35

5 వికెట్లు     -    5

5. షాహిద్ ఆఫ్రిది (పాకిస్థాన్):

షాహిద్ ఆఫ్రిది బూమ్ బూమ్ బ్యాటింగ్ గురించి ఎక్కువ మంది మాట్లాడుతూ ఉంటారు.        కానీ అతడి బ్యాటింగ్ కంటే  మంచి బౌలర్ అన్న విషయం ఎంతోమందికి  తెలీదనుకుంటాను.                          ఆఫ్రిది తన లెగ్ స్పిన్ బౌలింగ్ తో ఎంతో మంది గొప్ప ఆటగాళ్లకుకూడా కొరకరాని కొయ్యలా మారి 398 వన్డేలలో 395 వికెట్లు తీసి వన్డేలలో  అత్యధిక వికెట్లు తీసిన వారి జాబితాలో 5 వ      స్థానంలో నిలిచాడు.

మ్యాచ్ లు    -   398

ఇన్నింగ్స్     -   372

వికెట్లు         -   395

సగటు         -   34.51

బెస్ట్            -    7/12

5 వికెట్లు      -    9

4. చమిందా వాస్(శ్రీలంక):

చమిందా వాస్ శ్రీలంక తరుపున ఆడిన ఉత్తమ ఫాస్ట్ బౌలర్. 2001 వ సంవత్సరంలో ఒక  వన్డేలో8                వికెట్లు  తీసి వన్డేలలో ఒక ఇన్నింగ్స్ లో అధిక వికెట్లు తీసిన వాడిగా రికార్డు  సృష్టించాడు. ఇప్పటికి ఇరవై సంవత్సరాలు అయినప్పటికి దానిని ఎవరు బద్దలు  కొట్టలేకపోయారు.             322 మ్యాచులలో 400 వికెట్లతో ఇతడు అత్యధిక వికెట్లు  తీసిన   వారి  జాబితాలో 4వ  స్థానంలో నిలిచాడు.

మ్యాచ్ లు    -    322

ఇన్నింగ్స్     -    320

వికెట్లు         -    400

సగటు         -    27.54

బెస్ట్            -     8/19

5 వికెట్లు      -     4

3. వకార్ యూనిస్ ( పాకిస్థాన్):

వకార్ యూనిస్ పాకిస్థాన్ లెజెండరీ బౌలర్. తన రివర్స్ స్వింగ్ బంతులతోను యార్కర్లతోను                  బ్యాట్సమెన్ల  గుండెల్లో  రైళ్లు పరుగెత్తేలా చేసాడు. ఇతను  ఆల్  టైమ్   గ్రేటెస్ట్ బౌలర్. కేవలం 262 మ్యాచులలో  416 వికెట్లతో ఇతడు వన్డేలలో అత్యధిక వికెట్లు  సాధించినవారి జాబితాలో     3వ స్థానంలో నిలిచాడు.

మ్యాచ్ లు     -    262

ఇన్నింగ్స్      -   258

వికెట్లు          -   416

సగటు          -   23.84

బెస్ట్             -   7/36

5 వికెట్లు       -   13

2. వసీం అక్రమ్(పాకిస్థాన్):

వసీం అక్రమ్ ప్రపంచంలోనే బెస్ట్ ఫాస్ట్ బౌలర్. ఇతడు వేసే స్వింగ్ బౌలింగ్ వలన ఇతడిని             సుల్తాన్ ఆఫ్ స్వింగ్,  కింగ్  ఆఫ్ స్వింగ్ అని పిలుస్తారు. వన్డే క్రికెట్లో  మొదటిసారి 500 వికెట్లు        తీసిన బౌలర్ గా  రికార్డు సృష్టించాడు. ఇతడు 356  మ్యాచులలో 502 వికెట్లతో వన్డేలలో  టాప్ 10 జాబితాలో 2 వ స్థానంలో  నిలిచాడు.

మ్యాచ్ లు    -    356

ఇన్నింగ్స్     -    351

వికెట్లు         -    502

సగటు         -    23.52

బెస్ట్            -    5/15

5 వికెట్లు     -     6

1. ముత్తయ మురళీధరన్ (శ్రీలంక):

ఈ శ్రీలంక స్పిన్ మాంత్రికుడు ప్రపంచ గొప్ప బౌలర్. ఇతడు వేసే బంతులు గింగిరాలు  తిరుగుతూ               ఏ వికెట్  పడగొడుతాయో ఎక్కడ పడి ఎలా వెళ్తాయో తెలియక వాటిని  ఎదుర్కోవడం   బ్యాట్సమన్లకు కఠిన సవాలుగా  ఉండేది. ఇతడు వన్డేలలోను టెస్టులలోను  అత్యధిక  వికెట్లు తీసి ఎవరు తన దరిదాపుల్లోకి కూడా రాలేని  రికార్డు నెలకొల్పాడు.  ఈ రికార్డును  చేరుకోవడం దాదాపు అసాధ్యమనే చెప్పవచ్చు. ఇతడు 350 వన్డేలలో 534  వికెట్లతో                         మొదటి స్థానంలో నిలిచాడు. 

మ్యాచ్ లు    -    350

ఇన్నింగ్స్     -    341

వికెట్లు         -    534

సగటు         -    23.08

బెస్ట్            -    7/30

ధన్యవాదాలు.

మీ అభిప్రాయాలు కామెంట్ల రూపంలో తెలియజేయగలరు.